Би нэг хүнийг мэднэ. Түүнийг би өндөр гэж боддог. Өөрөө гэхдээ тэгж боддоггvй. Тэр богино үстэй, өтгөн хар хөмсөгтэй, бас өөртөө зохисон алаг хөөрхөн нүдтэй. Тэр энгийн хэрнээ өвөрмөц. Эгэл хэрнээ эрхэмсэг бас хэрсүү. Заримдаа тэр маш тодорхой, заримдаа харин үгүй. Та нарын зарим нь түүнийг таньдаг. Түүний дүр төрх, инээмсэглэл, байгаа байдал ер нь бүх юм нь үгээр хэлэхийн аргагүй хөөрхөн. Бас яг туулай шиг болохоор бүр бүүр ч эгдүүтэй. Зарим заримдаа эгдүүтэй хөөрхөн туулайгаас омог ихт арслан болж хувирах тохиолдол байдаг гэж хэлдэг ч гэлээ, надаа байдаг, миний мэдэх энэ туулай бол хорвоо ертөнцийн өөр хаанаас ч эрж хайгаад олж чадахгүй, олж авсан нэгэн нь алдаж боломгүй цорын ганц тийм л нэгэн.
Түүний надаа таалагддаг зүйл нь түүний мэдрэмж. Миний мэдэх тэр хүний мэдрэмж мэдрэхvй нь нэг л өөр. Минийхээс лав өөр...Тэххх тэр юмыг сайн хардаг. Vнэндээ тэр нvдний шил зүүдэг л дээ. Гэхдээ тэр юмыг маш сайн анзаарч хардаг. Тиймдээ ч зураг сайн зурдаг бас зураг сайн дардаг байх. Өө тийм тэр бас дандаа ижил тоотой цаг хардаг. Харах тоолондоо амжиж зургийг нь авах дуртай. Тэр дандаа сонсдог. Маш их дуу сонсдог. Бас болоогүй ээ ая ч зохионо, дуу ч бичнэ. Тэрнийгээ бусдад сонсгоосой гэж би хүсдэг. Тэр өөрийгөө бас их сонсдог. Тийм ч учраас өөрийнхөө юунд дуртай дургүй, юу таалагддаг эсэхээ маш сайн хэлж чаддаг. Тэр нь үнэндээ надаа таалагддаг. Тэр бас үнэртдэг. Миний мэдэх тэр хүн миний усны үнэр, савангийн үнэр, хумсны будагны үнэр, өөрийн минь үнэр зэргийг маш сайн ялгаж үнэрлэж чаддаг. Тэр бас сайн амталдаг. Тийм ч учраас амттай хоол хийдэг. Магадгүй бас тэр амтыг хэт сайн амтархдаг болохоор л нэг амтыг хэт мэдэрхээрээ амархан пологдож бялуурдаг байх... (хэхэ). Тийн тэр бас хүрэх дуртай. Зөөлнөөр... Өөрөө ч зөөлөн булцгар зүйлд дуртай. Тэгээд тэднийгээ булцгануулж суух дуртай гэнэ (хэхэ)...Тэр хайртай зүйлсээрээ үргэлж хүрээлүүлэхийг хүсдэг. Магадгүй тэдгээр бүх зүйлс нь түүний гараа сунгаад л хүрэхээр газарт байвал тэр баярладаг байх.
Товчхондоо бол миний мэдэх хүн ийм л хүн. Та нар харин түүнийг мэдэх үү? Мэддэг бол надад хэлээч.....